انه دیلی گونی قوتلی بولسون. فایل تصویری. کتاب ساوغادئ!

    مرکز مطالعات تورکمن–بللی داغیستان یازیجیسی رسول حمزاتوف نینگ “منینگ داغیستانیم” آدلی اثرینده شئیله سطر بار:

“ایكینجی جهان سؤوشینده قفقازلی بیر عسگر، سؤوش اسیری بولوپ، فرانسادا قالیار. آرادان یئللار گچیأر، باشغا بیر قفقازلی نقاش اؤز اثرلرینی سرگیلمك اوچین پاریسه باریار، سرگأ شول اسیر دوشن آدام هم قاتناشیپ، نقاش بیلن ایچگین تانیش بولوپ، اؤزونینگ ساغ-آمان گزیپ یؤرندیگینی بیلدیرمك اوچین اجه سینه سالام- ساوغات ایبریأر. نقاش گلیپ مونونگ اجه سی بیلن دوشوشیپ، اوغلونینگ آمان-اسن یاشاپ یؤرندیگینی آیداندا، اجأنینگ ایلكینجی سوراغی : “اوغلوم سنینگ بیلن هایسی دیلده گورلشدی”، بولیار. نقاش  “اوغلونگ فرانس دیلینده گورلدی” دییپ جوغاپ بیریأر. انه سی یاقاسینی سیریپ، “اوندا اونونگ بو گؤویسدن امن سۆیدی حالال بولماسین” دییأر.

21-نجی فوریه – انه دیلینگ حالقارا گونی تورکمن ایلینه دوشوملی بولسون!

—————————————————————————————————————————————–

تلویزیون اهواز… مصاحبه در مورد زبان مادری

   —————————————————————————–

    انه دیلیمیزه رسمی استاتوسینگ بریلمگی نینگ یئل دؤنومی

مرکز مطالعات تورکمن–تورکمنستان س س ر -ی نینگ یوقاری شوراسی/پالامنتی، یوردونگ قاراشسیزلیغئ نئنگ ائغلان ادیلمگیندن 6 آی اؤنگ،  یاغنی 1990-نجی یئلدا، ایلکینجی نوباتدا 24- نجی مایدا تورکمن دیلینه رسمی حقوق اورونئنی یاغنی استاتوسینی بردی. شئیدیپ اوزال روس دیلی نینگ کؤلگه سینده ساقلانئپ گلن و زور آیاقدان اؤلمأن گلیأن انه دیلیمیز بیزآز جانغیپ اوغرادی.

مألیم بولیشی یالی تورکمنستان دؤولتی 1924- نجی یئلئنگ اکتیابرینده ایغلان ادیلدی، شوندان بأری تا ساویت سایوزی/ شوروی دارغایانچا، گچن تاقمین 70 یئلئنگ دوامیندا البته ملی دیلیمیزینگ اؤسمگینه هیچ حیلی پأسگلچیلیک بریلمه دی. تورکمن دیلی دؤولت دیلی حؤکمینده اؤز فونکسیاسینی/ رولونی دولی یرینه یتیریپ گلدی، اوقو کتابلار، گازت- ژورنال لار، رادیو- تله ویزر، تئاتر… أهلی جمعیتچیلیک ایشلر تورکمن دیلینده آلنیپ باریلدی، یؤنه انه دیلیمیز روس دیلی نینگ گویچلی پروپاگانداسی نینگ آستیندا ایکینجی اورنا ایتکلندی. روس مکتبلری تماملانلار درحال قاوی ایشلره آلیندی، اولارا یوقاری اورنلاری ایه لمأگه ممکینچیلیکلر کؤپ بریلدی… تورکمن دیلی بولسا اوبا دیلی یالی بولوپ قالدی… هر حال گچن گچدی.

باریپ 1990- نجی یئلئنگ 24- نجی مای آیئندا، تورکمنستانیئنگ یوقاری شوراسی/پارلامنتی تورکمن دیلینه رسمی دیل استاتوسینی بردی، مونونگ یانی بیلن روس دیلی نینگ جمعیتچیلیک اورنونئنا هیچ حیلی چأکلندیرمه گیریزیلمدی. بو بولسا تورکمن دمکراسیاسی نئنگ عادالاتی نئنگ آیدینگ مئثالی بولوپدی.

غئنانساقدا قاراشسیزلیق یئللارئنگ دوامیندا تورکمن دیلینی اؤسدورمک اوغروندا سالداملی ایش ادیلمدی، دیلچی عالمئلارا، فیلولوگلارا، ادبیاتچیلارا عئلمی ایش آلیپ بارماقدا میدان بریلمدی، عئلئملار آکادمیاسی، ملی دیل انیستیتوتی یاپیلدی. دینگه یارانجانگ لارا، “باشیسم” سیاساتئنی و “آرقاداغچیلارا” یول بریلدی. عئلئملار آکادمیاسی اؤز فونکسیاسینی یتیردی، ملی دیل انیستیوتی بیر یاپیلیپ، بیر آچیلدی، اوسته سینه تورکمن دیل کاراکترینا ترس گلیأن یاساما سؤزلر مطبوغاتدا یایرادیلدی- “اسسه” یرینه “گؤتریم”، “ژورنالیست” یرینه “قلمکأر”، “بیلرمن”/اکسپرت یرینه “هنرمن”، “پرایکت” یرینه “میل نامه”، “دقت نامه؟” و بیر گیدن ناما لار و… قاراض دیلیمیزی چاشغین یاغدایا سالدیلار.

تورکمنی اؤورنیش مرکزینگ کتاب ساوغادی

دیل حاقدا اویلانما

——————————————————————————-

   شیدایی:

گؤزل یـیگریم بأش[1]

شئـیله قولاغا یوقوملی، سؤزله دیم، گؤزل ییگریم بأش،

نیچه اووازی چیكیملی، ایزلادیم، گؤزل ییگریم بأش.

بو گون اورنونگ بولدی بللی، بول آمانات تـللی- پـللی،

اؤسدوریپ شول گونه چنلی، گیزلدیم، گؤزل ییگریم بأش.

آرزو ادیپ، یته بیلمن، گؤرنوپ دور، توتا بیلمن،

مالی دونیأ ساتا بیلمن، ایزلادیم، گؤزل ییگریم بأش.

یدیسیندین آواز چیقیپ، اون ایكیسیندین تارتار چیكیپ،

اوچ مونگ یاشدا عؤمرونگ یاقیپ، گچیردیك، گؤزل ییگریم بأش.

ماتام، مرثیه شاقاندی، یازیپ گچمیش نیچه بندی،

اوقیپ یاد ادیرلر شیندی، ایزلاییپ، گؤزل ییگریم بأش.

شیدایی دییر، بار بترلر، سنینگ اوچین یاس توتارلار،

بو واقیت كم- كأس توتارلار، یترسن گؤزل ییگریم بأش.

[1]  تورکمن الیپ- بیی سی باراسیندا یازیلان بو قوشغودا، 25 حارپی نینگ باردیغی آیدیلیار.

—————————————————–

تاییارلان: آرنه گلی

مدیر مرکز مطالعات تورکمن

20 فوریه 2021