یادلاما: نازدوردی یمودئنگ کومیش دپه دن استانبولا چنلی اوزانان دورموش یولی
باریپ 1927- نجى يئلئنگ ماى آيئندا 6 سانى توركمن ييگيدى توركييأ يولا دوشيأر. دكتر محمت قـليچ « دونيأ توركمنلرى» آدلى كتابيندا اولارئنگ اوچ توپارا بؤلوننديگينى بللأپ، بيرينجى توپاردا نازدوردى يموت بيلن احمد قاراداغلى، ايكينجى توپاردا حاجى حان(نورگلدى) اوغوزى بيلن عبدالرحمن يموت و اوچونجى توپاردا بايجان تورانى بيلن محمد شيرمحمدى (محمت گؤكلنگ) بولدى ديـيپ يازيار.
اول دؤورده اونگات قورى ير بولمانى اوچين، ايرانينگ انزلى پورت شهريندن گأمى بيلن باكو سونگرا باطومى و اول يردن استانبوله گيديليأردى. سونگرا محمت قليچ بولارا ياردام ياردام برن توركيه لى دؤولت وظيفه لى آدملارى يادلاپ شئـيله دييليأر:
« 1927- نجى يئللاردا توركيأنينگ تهرانداقى باش ايلچيسى ممدوح شوكت اسندال توركمنلرينگ ايلكينجى توپارىنينگ توركيأ اوقـووا گيتمگينده كؤپ ياردام بردى. 60- نجى يئللاردا توركيأنينگ تهرانداقى ايلچيسى بولوپ ايشلأن و سونگرا واتيكاندا ارمنى تروريستلار طاراپـيندان اورلوپ اولدوريلن مرحوم طاها جاريم، اوندان سونگراقى باش ايلچى ادرمن آدم نجدت كنت، شئـيله- ده ايلچى حانانئنگ مستشار/ گنگشچــى سكره تارى ايلهامى موره ن، ابراهيم دجله لى، آتششه لردن على حايدار ديرى اؤزى، محمت توران دنگيز، ابراهيم گؤك تــورك و بئيلكيلره منتدارليق بيلديرمك بورجوميز بار.
آخمات قاراداغلىنينگ ايراندا آليپ باران شـيله مقدس ايشينه توركيه ده يؤرن توركمنصحرالى نازدوردى يموت بيلن عبدالرحمن يمودينگ- دا دگرلى يارداملارىنينگ بولانديغينى بو يرده آغزاپ گچمه گيميز گرك».
Nazdurdi (Niyazı) Yomut
(1904-1986)
Nazdurdi Yomut (Çudei), 1904-nji yılda Kümüşdefede gurplı-barlı bir maşgalada dünyä gelyär. Dädesiniň adı Mämedgulı han, ol, maşgalanıň ilkinji oglı, onuň Gurbanmämed, Mırad adlı iki erkek we Hesel adında-da bir ayal doganı bar. Mämedgulı Han, Türkmenleriñ adlı-abraylı yaşulularınıň biri bolupdır we Türkmen oglanlarınıň şol sandan öz oglı Nazdurdınıň jedid okuwdan safak almagını isläpdir.
Nazdurdiniň özi-de, dädesiniň yanına gelyän ahun-mollalar ve Türkmen yaşuluları bilen tanışıp ugrayar ve jedid ilmin ähmiyetine göz yetiryär. Oña-da, Kümüşdefa gelen Osmanlı Türkleri täsiri yetipdir ve yaş Nazdurdiniň yüreginde Türkiyä okuva gitmek hövesi döräpdir.
1927-nji yılda Türkiyä gelen wagtı N.Yomut ilki bilen Trabzon Mugallımçılık mektebine, şondan bir yıl sonra (1928) bolsa Izmir Mugallimçılık mektebine dovam edyär. Bu mektebi 1937-nji yılda gutaran N.Yomut şol yıl Ankarada Gazi Egitim Enstitüsiniñ Pedagoji bölümine girip 1939-nji yılda şol mektebi gutaran wagtı Irana görme-görşe gidyär. Yöne ol,1940-nji yılıň ahırlarında näresmi yol bilen Türkiyä gaydyar we 1941-nji yılıň başlarında Istanbula gelip bilyär.( A. Yomut bilen bile) Nazdurdi soňra, öz adını Niyazi edip özgerdyär.Yomut, Türkiyä gelenden soňra, Magarif wezirliginde işe giryär we wezirligiñ başlangiç we orta mekteplerinde derñewçi bolup hizmat edyär. Ol Türkiyäniñ dürli şäherlerinde we iň soň bolsa Istanbul şäherinde işläp, 1971-nji yılıň Oktober ayında pensiya çıkyar (Emekli bolyar). N.Yomut 1986-nji yılda Istanbulda ayrılyar we bu şäherde jaylanyar.
Nazdurdi agamızıň yatan yeri yagtı bolsun.
Aşakdakı görkezgiçde, Nazdurdi Yomudiñ, Hajı Hanıñ ve Ahmad Garadagliniñ garindaşlıkları açık görkezilyär:
Yokarda (1) Nr.bilen görkezilen Hojaniyaz Han,1924-nji yılıň 20-nji May güni Omçalı obasında Türkmen ahun-mollalarınıň hem yaşulularınıñ maslahatına gatnaşan adamdır.Onuň ogli Hajı Han,
(2) Nr.bilen görkezilen(Amansoltanın gizi) Hacibibi bilen öylenyär.
(3)Nr.bilen görkezilen(Söyünjalınıñ gizi) Annabagt,
(4)Nr.bilen görkezilen(Bagtigülin ogli)Ahmet Garadagli bilen öylenyär.
Nazdurdi Yomutdan,Türk maşgalasından bolan Gürgen adında bir ogul galyar.01,1986-nji yılıñ oktober ayında Istanbulda aradan çıkyar we bu şäherde jaylanyar.
çeşme: Mehmet Kiliç: Dünya Türkmenleri. Istanbul
