تورکمن صحراتورکمنستانرویدادها

Täze ýyl Türkmen iline demokratiýa, bagyt hem baýlyk getirsin

کریم شاهئر

تــأزه يئـــل آرزوولارئ

تأزه يئلدا تأزه دۇست‌لار كؤپ بۇلسون،
تأزأنگ ياندان آيرئلماسئن كؤنه‌لر،
يئل چالشئشى يالئ‌دۇست چالشئپ يؤرسِک
ارته‌سى گۆن دۇست تاپماغـئمئزام قئن بۇلار.

گلديمى، ‌ دگمه‌گين مئهمان گؤونۆنه،
مئهمان دييليأن زات آتانگدان غۇچاق،
يؤنه غۇچاق من دييپ گچمه‌سين آشا،
سبأبى مئهماندان غۇچاقدئر ساچاق.

اۆلكأمده كؤپ بولسون مئهمان سؤيـِرلر،
اؤزينگـِم مئهمان گيت، اؤیۆنگه-‌ده گتير،
مئهمان سؤيمـِزه-‌ده غارغئش اتجك دأل،
بدباغت اۇل، شۇنسئ-‌دا اؤزۆنه يـتيک

دۆنيأنى اۇن گِزک يئقانمئش نِبيس
ينه-‌ده يئقماقمئش اۇنونگ حئيالئ
نِبيس بـلاسئندان غۇرانالئنگ بيز
اوروش بـلاسئندان غۇرانان يالئ

گؤدِكليک آزالسئن،ادپ كؤپِلسين،
اولئنئ سئلاماق دأپ بۇلسون كيچأ،
اولولارا حۇرمات آزاليان يـرده،
كأميل‌ليک دييـه‌ن زات غالارمئش گيجأ.

اولئ حۇرماتلانسئن، كيچى سئـلانسئن،
گۆیچ، ايكى حۇرماتئنگ يئلئ‌لئغئندا،
يۇغسا كيچي‌لر-أ، حاص كيچى بۇلار،
سنم ساقلانماز اولولئغئندا.

داقئنسئن، گِيينسين،دارانسئن غئزلار،
بيرى-بيرسيندن بِـزنسين ياغشئ،
بِزنمه‌سيز گۆن‌لر غايدئپ گلمه‌سين،
تۆپنگ گِزلمه‌سين بِـزه‌گه غارشئ
«يؤنه بِـزه‌گينگ- ده اؤز چِنى ياغشئ»

آتا زحمتينه غۇيولسئن حۇرمات،
بـِزک آتالارا غئممات دۆشمه‌سين،
(واخ، واخ، بـزک‌سيزم اۇنگات سيز،
اۇنگات!)

تأزه يئلدا كؤپ بۇلسون تأزه سالام‌لار،
بی‌بركت بۇرموش بی‌سالام تۇپراق،
دوشمانئنگ دوشسادا سالامئنى آل،
سالاما–حۇرمات بۇر، اؤزۆنگه ساپاق.

يؤنه شيله زادا گلديم من غابات،
بير انه بأش اۇغـلونگ تاپـيارقا گؤونۆن،
بأش اۇغول بير انأنگ گؤونۆن تاپانۇق
سۇولونگ شو تـته‌لينگ اؤنگۆندن
سۇولونگ.

سالامئن-هم آلمانگ، سالام هم برمأنگ،
آدام يـيليگيندن دؤرأنميش سالام،
اۇ تِته‌للی بۇلسا، آدام مئ، دألمى؟
انـتك جِدللى زات. چؤزۆلسين سۇوال

انه تۇپراغمئزدا اورش بۇلماسئن،
بۇلماسئن دۆنيأنينگ هيچ بير كۆنجۆنده،
دنيأنینگ یۆزۆنده بیر اورش بۇلسون،
اۇلام دينگه هر آدامئنگ ايچينده.

هر كيم اؤزى بيلن اؤزى سؤوِشسين
بِینی‌نينگ يالنگئشئن اؤلدۆرسين يۆرک
يۆره‌گينگ يالنگئشئن بِينى اؤلدۆرسين!
شوگۆن ائنسان اۆچين شوُل اورش گرک

هر كيم بيرى-بيرِگـى اۇنگات تاناسئن!
(بو آرزووا بلدديريس بیز اۇزالدان)
يؤنه هر كيمينگ اؤزۆن اۇنگات تاناسا،
حاصام بـتـر، شۇل بِينين دۆزِلدر.

بلكى كيچى بۇلسانگ – اولئ بۇلارسئنگ،
مگر، اولئ بۇلسانگ – بۇلارسئنگ كيچى،
هايسئ‌سئ بۇلسا‌ـ‌دا كيشى بۇلايلئنگ
كيشى، كيشى،ينه بير گِزک كيشى!

كيشي‌لنگ گرشينده اۇتئر بو دۆنيأ،
شۇلاردان نور آليا أهلى يۇل‌لارمئز،
كيشي‌لرميزحاصام كيشى بۇلسون‌لار،
كيشى بۇلجاق بۇلسون، كيشى دأل‌لرميز.

زحمته چاپالئنگ، گِپه چاپمالئنگ،
ايل ايچينده گِپ كأن،ايش ولی‌ـ‌حاص كأن.
كأته گيچ دۆشۆنيأس بو حاقئقاتا،
اينی‌لر دۆشۆنسين ياش قان،حاص ياش قان.


نمایش بیشتر

نوشته های مشابه

دکمه بازگشت به بالا
بستن