تاریخیمقالات

گؤک تپه غئرغئنچئلئغی نئنگ یئل دؤنومی، اورسیت پاتئشاسئ نئنگ ادن غئرغئنچیلئغی

حالاص بوُلماغا جان ادیأن آداملارئنگ اۆستۆنه عسگرلر ظالئملئق بیلن دوُپولیاردئلار، اوُلارئ نایزا مۆندیریپ، یوُقارئ گؤتریأردیلر، غاپئرغئلارئ نئنگ آراسئنا نایزا سانچیاردئلار، تۆپنگی مازالئ دییرأپ آتیاردئلار، تۆپنگینگ غونداغئ بیلن شئیله بیر اوریاردئلار ولین، اوُلارئنگ کله سی، هم تۆپنگینگ غونداغئ هم چئمپئتراق بوُلیاردئ دییپ یازیار. کروُپاتکین هم قالانئنگ ایچی نینگ «الهنچ گؤرنۆشه ایه بوُلاندئغئنا» شایاتلئق ادیأر. «کؤپ ماسلئقلار انچمه گۆن بأری یئغنالمان یاتئردئ. کأبیر اؤیلرینگ ایچی ماسلئقدان دوُلودئ» دییپ اوُل یازیار. گوُروُدوُکوُف اوُنونگ آیدانلارئ نئنگ اۆستۆنی یتیریپ شئیله یازیار: «غاباو واغتئندا تۆپنگ و توُپ اوُدونئنگ ضارباسئندان دوشمانئنگ[تۆرکمنلرینگ] نأحیل الهنچ ییتگی چکندیگینه دینگه قالا آلناندان سوُنگ گؤز یتیرمک مۆمکین بوُلدئ. قالانئنگ ایچینده 15- چنلی اۆیشۆپ یاتان اؤلۆلری گؤرمک بوُلیاردئ. بو زاتلارئنگ همه سیندن سوُنگقئ گۆنلرده دوشمان اؤز اؤلۆلرینی جایلامان، یؤنه بیر یره اۆیشرۆپ غوُیان بوُلارلئ دیین نتیجه چئقارماق مۆمکیندی…» . گپینگ غئیسغاسئ، ژنرال اسکوبلف اؤزۆنینگ آرزولئ ماقصادئنا یتیپدیر، قالا سئیناندان سوُنگ ینگیجیلرینگ یوُووز داباراسئنئ غوراپدئر. آطلئ غوُشونئ حوت اوُنونگ اؤزی قالا هجۆمه آلئپ گیدیپدیر. قالانئنگ ایچیندن گچیپ، ایزا چکیلیأن غوُرایجئلارئ تأ غارانگقئ دۆشیأنچأ 15 ورست لأپ قوُووپ گیدیپدیر. پئیادا غوُشون هم اوُنونگ ایزئنا دۆشۆپیر و 10 ورست یوُل گچیپدیر. روس غوُشونلارئ «قوما غاچئپ باریان دوشمان بوُسغونلارئ نئنگ گۆرمِک یرلرینی اوُقا توتوپدئرلار و بوُسغونلارئ رحیمسیزلیک بیلن غئرئپدئرلار. بوُسغونلارئنگ ایزئندان قوُوغئ دوُوام ادیأرکأ، قالانئنگ ایچینده «آراسسالایئش» گچیریلیپدیر: اؤیلرینگ ایچینده گیزله نیپ غالان کؤپ سانلئ تکه لری گؤزلأپ تاپئپدئرلار و تأ ینگ سوُنگکوسئنا چنلی غئرئپدئرلار». زأحرسی یارئلارا گلن ایال بارئ امان دیلأپ، ؤیلرینگ آراسئندا یکی یانا چاپالانئپدئر.

مقالانئنگ دولی ماضمونی (کلیک ادینگ)

تاریخ دوُغروچئل اؤورنیلنده

برچسب ها

نمایش بیشتر

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن