ادبی - فرهنگیادبیاتتورکمن صحراسیاسیصوتیملی

غوشغی: “واطانا قارشئ”–Goşgy: Watana garşy

«یارئندان آیرئلان یدی یئل آغلار، ایلیندن آیرئلان اؤلیأنچأ» دییلیپدیر.

  بو غوشغئ دۆرلی سئیاسئ سبأپلردن اؤتری ایل-اولوسئندان آیرا دۆشن و یۆره‌کلرینده واطان جوُشغونئ اگسیلمیأن، ایلیمیزینگ ارکینلیگی اوغروندا  گؤره‌شیپ گلیأن باتئرغائ ییگیتلره حؤدۆرلنیأر.

                    واطانا غارشئ!

 

واطانئ غورشاپ دوران قارا بولوت سرپیلیأر،

تۆملۆگینگ، الحنجینگ پرده‌سی سئیرئلیار،

ایمنجه‌نگ، پیسلرینگ هیکلی توُزایار،

غوُچاقلارئنگ حایقئرشئ، مونئ بووشلایار.

دوُستلار اله-اله، گیدیلینگ واطانا غارشئ!

اوُل گۆلألکلی، مایسالئ ایله غارشئ!

 

 گؤزل یوردومئز غانلار بیلن بوُیالدئ،

ازیلن حالقئنگ حایقئرشئ بارحا  کؤپلدی،

بسدیر ایندی” دیه‌یألنگ صابئرئ که‌ملدئ،

عار آلئجئلئق غاضابئ،  گؤزلرده دویولدئ.

 

بؤوتلری آشانلار گیدیلینگ واطانا غارشئ!

غالقئنان یۆرکلر یؤرألینگ واطانا غارشئ!

 

ظالئملار، ایمنجیلر بو گۆن تیتره‌یأر،

کۆنده‌لنن اسیرلر زئنجئرنئ غئریار،

جانسئز، شوغولچئ پیسلر، دینگله‌یأر،

الی یاراغلئ غاراوول، ماسلئغا غاراشیار،

 

آزاتلئغا اوغرانلار، گل گیدیلینگ واطانا غارشئ!

اوغور بلد یارانلار، یؤرألینگ واطانا غارشئ!

 

انه توُپراق گؤزدن باغئر یاشئن دؤکۆپ دور،

ایل اوغرونا باش غوُشانلارا سسله‌نیپ دور،

دییأر: “واخ، مونچا واطان آیرالئغئ یتمزمی؟”

ارکینلیک اوُدونگ ائسسئسئ بیزی چوُیمازمئ؟

 

ایل دردینه غاینان جانلار گیدیلینگ واطانا غارشئ!

یۆرکلری یارالئ دوُستلار یؤرألینگ واطانا غارشئ!

 

اؤیلریمیزینگ بامئنا بایغوشلار غوُنیار،

باغلارمئزدا بیلبیل دأل، غارغالار اوچیار،

توُپراغا بوغدای یرنه، غانلار سه‌پلیأر،

چوُقجا غارغالار دپأمیزدن آیلانیار.

غایراتلئ دوُستلار گل گیدیلینگ واطانا غارشئ!

غایدوسئز مرتلر یؤرألینگ واطانا غارشئ!

 

پیس ظالئمئنگ قوللارئنی اۆزمه‌‌لی،

الی باغلئ ایل، غاندالئن غئرمالی،

گلمیشه‌گینگ آشئن یۆزۆنه سرپملی!

ارکین یاشان حالق اجیزلیگی بؤوسملی!

آزاتلئغا سووسان قوچاقلار، گیدیلینگ واطانا غارشئ!

حئجوولئ، نامئسلئ بگلر، یؤرألینگ واطانا غارشئ!

 

ظالئملارئنگ حایباتی، غامچسئ بیزی غوُرقوزماز،

یومروقلارئمئز اوُت یالئدئر، پیسلر چئداماز،

غاپلانگلئ، غورتلئ ایل، اوُل “شیری” یاشاتماز،

آزاتلئغنگ باهارئ، آجئ غئشئ کۆیستمز!

 

اؤجۆگن آرسلانلار، گیدیلینگ واطانا غارشئ

پوُلات دک تاپلانانلار یؤرألینگ واطانا غارشئ!

 

دوغرولئغئ ائزارلاپ یوُللار آشارئس،

غانئمئنگ  گؤوسۆنی دیلیپ، گچریس!

پیسلرینگ ائزئنئ یوُق ادیپ یووارئس!

اول کۆممدینگ دپسینه بایداق دیکه‌ریس.

غوجئرلئ-غایراتلئ بگلر گیدیلینگ واطانا غارشئ!

غاحرئمان گرچکلر یؤرألینگ واطانا غارشئ!        

                                

                                                                                       آرنه گلی (آرنالئ) سوئد. 16.فورال. 2022

 

“Ýaryndan aýrylan ýedi ýyl aglar, ilinden aýrylan ölünçä-diýilýär.”

  Bu setirler dürli syýasy sebäplerden öteri il-ulusyndan aýra düşen we ýüreklerinde WATAN joşguny egsilmeýän, ilimiziň erkinligi ugrunda göreşip gelýän batyrgay ýigitlere hödürlenýär.”

 

              WATANA GARŞY!

 

Watany gurşap duran gara bulut serpilýär,

Tümlügiň, elhenjiň perdesi syýrlýar,

Eýmenjeň pisleriň heýkeli tozaýar,

Goçaklaryň haýkyrşy muny buwşlaýar.

 

Dostlar ele-ele, gideýliň Watana garşy!

Ol Gülälekli, maýsaly ile garşy!

 

Gözel ýurdumyz gan bilen boýaldy,

Ezilen halkyň haýkyrşy barha köpeldi,

“Besdir indi” diýänleň sabry kemeldi,

Ar alyjylyk gazaby, gözlerde duýuldy.

 

Böwetleri aşanlar gideýliň Watana garşy!

Galkynan ýürekler ýöräliň Watana garşy!

 

Zalymlar, eýmenjiler bu gün titriýär,

Kündelenen esirler zynjyrlarny gyrýar,

Jansyz şugulçy pisler diňlýär,

Eli ýaragly garawul maslyga garaşýar.

 

Azatlyga ugranlar, gel gideýliň Watana garşy!

Ugur beled ýaranlar, ýöräliň Watana garşy!

 

Ene toparak bagyr ýaşyn döküp dur,

Il ugruna baş goşanlara seslenip dur,

Diýýärler: “Wah, munça aýralyk ýetmezmi?

Erkinlik oduň yssysy bizi çoýmazmy?

 

Il derdine gaýnanjanlar gideýliň Watana garşy!

Ýürekleri ýaraly dostlar ýöräliň Watana garşy!

 

Öýlerimiziň bamyna baýguşlar gonýar,

Baglarmyzda bilbiller däl, gargalar uçýar,

Topraga bugdaý ýene, ganlar sepilýär,

Çokja gargalar depämizden aýlanýar.

 

Gaýratly dostlar gel, gideýliň Watana garşy!

Gaýdusyz meretler çöräliň Watana garşy!

 

Pis zalymyň gollaryny üzmeli,

Eli bagly il, gandalyn gyrmaly,

Gelmeşigiň aşyn ýüzüne serpmeli!

Erkini ýaşan halk ejizligi böwüsmeli!

 

Azatlyga susan goçaklar gideýliň Watana garşy!

Hyjuwly, namysly begler, ýöräliň Watana garşy!

 

Zalymlaryň haýbaty, gamçsy bizi gorkuzmaz,

Ýumuklarymyz ot ýalydyr, pisler çydamaz!

Gaplaňly, gurtly il, ol “şiri” yaşatmaz!

Azatlygň bahary, ajy gyşy küýsetmez!

 

Öjügen arslanlar, gideýliň Watana garşy

Polat dek taplananlar ýöräliň Watana garşy!

 

Dogrulygy yzarlap ýollar aşarys,

Ganymyňwsüni dilip, geçeris!

Pisleriň yzyny ýok edip ýuwarys!

Ol, Kümmediň depeseine baýdak dikeris.

 

Gujyrly-gaýratly begler gideýliň Watana garşy!

Gahraman gerçekler ýöräliň Watana garşy!

 

ARNE GOLI (ARNALY)

Sweden. 16.fewral.2022

 

برچسب ها

نمایش بیشتر

نوشته های مشابه

دکمه بازگشت به بالا
بستن