ادبی - فرهنگیادبیاتتورکمن صحرا

عایدی شاهئر: «سانگا نأم بوُلدئ!؟»

دردینگ آلایئن، “سانگا نأمه بولدئ”

 

ای منگ تۆرکمنصحرام، منگ گۆللی صحرام

توراچلئ، یلبه‌لی، سۆلگۆنلی صحرام

سوغونلئ، اومغالئ، چال غوچلئ صحرام

دریالئ، جنگّللی، آغاچلئ صحرام

واخ سانگا نأم بولدئ- سانگا نأم بولدئ!

 

بوزغورتلئ، یوُلبارسلئ، پلنگلی صحرام

اوولاقلئ، یایلاقلئ، اؤلنگلی صحرام

مئیحمانلئ‌-گیدیملی-گلیملی صحرام

مئدام یاغشئلئغا گؤوۆنلی صحرام

نه‌چۆین غارالئغا بوغولئپ یاتئنگ

گۆن-گۆندن سارالئپ سوُغولئپ یاتئنگ

واخ سانگا نأم بولدئ- سانگا نأم بولدئ!

 

آت چاپئلان دألی میدان اؤلدۆمی؟

یتیلمه‌دیک آرزوو-آرمان اؤلدۆمی؟

واخ سانجار اؤلدۆمی؟ توُغرول اؤلدۆمی؟

تر غونچا تک نپس اوغلونگ اؤلدۆمی؟

واخ سانگا نأم بولدئ- سانگا نأم بولدئ!

 

نأمه بیردن سنینگ باغتئنگ یاتدئمی؟

گؤروغلئ‌نئ غوُجا دوشمان آتدئمئ؟

یا یئلدئز داغئنگ ائشئغئ اؤچدۆمی؟

یا کرونینگ بزیرگنسیز گچدیمی؟

واخ  سانگا نأم بولدئ- سانگا نأم  بولدئ!

 

های منگ تۆرکمنصحرام  منگ گۆللی  صحرام

چوواللئ، ناظارلئ، بیلبیللی صحرام

هۆودۆلی، لأله‌لی، خوُش دیللی صحرام

شاهئرلئ، باغشئلئ، غوُشغولئ صحرام

واخ سانگا نأم بولدئ- سانگا نأم بولدئ!

 

“دانگاتار”،  “گۆندوغدئ” آدئنگ یاندئمئ؟

غورساقدا کؤزِرن اوُدونگ سؤندۆمی؟

واخ آتئنگ غارپدئمئ؟ یوُلونگ ییتدیمی؟

سؤیۆن خان- سِیـیل خان ایلینگ ییتدیمی؟

واخ سانگا نأم بولدئ- سانگا نأم بولدئ!

 

“گؤک دپأ”نگده  پاجئغالار غوُپدومئ؟

یا “مادریتـف” یوُموت‌لارئ چاپدئمئ؟

یا “چوُپان” سردارئ ، نایئپ آتدئمئ؟

یوردئ یئقئلدئمئ؟ ائزئ ییتدیمی؟

واخ اوُنگا نأم بولدئ- اوُنگا نأم بولدئ!

 

هایسئ چوُپان؟

غارداش چوُپان، یار چوُپان

«آجا آرقا، آزغئن‌لارا أر چوُپان

یوُقارسئ گؤکلنگدیر آشاغئ دریا»

گیجه-گۆندیز تأزه یوُل‌لارئ آراپ

اؤر بویوندان، غان سارقئرئپ یؤر چوُپان

دیییأن یالئ نالا چئقیار تۆینۆکدن

واخ سانگا نأم بولدئ- سانگا نأم بولدئ!

 

ییتریم‌لرمی ثوُغابئ بار ساناسانگ

تاریخئمئنگ گۆذابئ بار ساناسانگ

«غاراو باردئر یرسیز اورلان تایاقدا»

هر کؤته‌گینگ حاسابئ بار ساناسانگ

بیر پئشغئرئپ اؤز اسسینگه گلمزمینگ؟

واخ سانگا نأم بولدئ- سانگا نأم بولدئ!

 

دردلریمینگ تیراژئ‌نئ کؤپلتدیم

عارضالارئم ایلاتئما کؤپ التدیم

دردیم زئیاد بولدئ سامراپ باشلادئم

گل شیندی‌دن تأزه بیر یوُل باشلاغئن

یوُلاغلئسئنگ تأزه یوُل‌لار آچارسئنگ

اوشجاق دییسنگ سن، یانگادان اوچارسئنگ

واخ سانگا نأم بولدئ- سانگا نأم بولدئ!

 

غوُی «مادریتف» چاپسا-چاپسئن یوُمودئ

«یوُموت»دئر اول، تۆرکمنیمینگ اویمودی

غورت باغرئنئ اییه‌ن غوُچاق غارداشئم

غورساغئندا اؤلدیرمزمیش اومیدئ

سن آنگئردان، من بأریدن هایدا-های

دۆز اده‌لی ترس یازئلان یازغئدئ

هانئ‌ گؤزلرینگ آچ، دمینگی دۆرسه

واخ سانگا نأم بولدئ- سانگا نأم بولدئ!

 

غالسانا بیر–غالسانا بیر غالسانا

ائقبالئنگئ اؤز ارکینگه آلسانا

بیزه دوروشانوُق یۆورۆک بو دورموش

امین-چــِمین اؤگرِنه، یل بولسانا

واخ سانگا نأم بولدئ- سانگا نأم بولدئ!

 

ایل خانلئغئن ، ایله بره‌نینگ هانئ؟

ایرانئ، تورانئ  غوُرانئنگ هانئ؟

اوُن عاصئرلاپ حؤکۆم سۆره‌نینگ هانئ؟

نه دن ایندی اؤز باشئنگا غای بولدونگ؟

غورت دألمی‌دینگ؟

بو گۆن نه‌ چۆین قوُی بولدونگ؟

واخ سانگا نأم بولدئ–سانگا نأم  بولدئ!

 

«آدئنگا دؤنه‌یین»، « دردینگ آلایئن»

غاپ داغا دِی، سنینگ بیلن گله‌یین

«یاشاتسانگ یاشایئن یوُغسا اؤله‌یین»

بیرجه اوچغون گؤرکز غورساقدا کؤزۆنگ

کۆل باسسا-دا اؤچمه‌دیگنی بیله‌یین

واخ سانگا نأم بولدئ- سانگا نأم بولدئ!

 

غورساغئندان اوُد پۆرکۆزر یانارداغ

ینه چوُغار اؤنگ بیر گزک یانان داغ

« عایدئ»‌-دا بیر ایل سیز-گۆنسۆز یانان داغئ

دیدیرمه‌گین سؤزۆمی بیر یئقماغئن

دوشمانئ سوو، دوُست سؤزۆندن چئقماغئن

واخ سانگا نأم بولدئ- سانگا نأم بولدئ!

 

عیدی اونق

آق قلا – توموس 30/03/ ۱۴۰۰

برچسب ها

نمایش بیشتر

نوشته های مشابه

دکمه بازگشت به بالا
بستن