تاریخترکمن صحرا

روس گنرالی مادریتوف تورکمن صحرانی غانا چایقایار- 1916

   تـورکمنلرینگ اؤنگده بارئجئ یولباشچئلارئندان حاجی بابا، باباقیلیچ، مرگن آرچئن داغئ تورکمن صحرادا ملی دؤولت قورماق اوغروندا برک گؤرشیأرلر. روس هم پارس چشمه لرینده اولار پان تورکیست حؤکمۆنده قارالانیار. اولارئنگ آلئپ باریان ماقصادئ باراسئندا تهراندا چاپ بولیان “اطلاعات” روزنامه سی سونگ- سونگلار، ۱۹۴۲- نجی یئلدا تـورکمنلره قارشئ تؤهمت آتئجئ بیر مقالاسئندا، قورولجاق بو ملی تورکمن دؤولتی نینگ یوقارئ وظیفه لرینه سایلانجاق آدملارئنگ آدلارئ نئنگ بیلینیأندیگینی یانگسئدیار.

ژنرال مادریتوف ۴- نجی دسامبردا آق قالانئ باسئپ آلیار و اول یرده حاربئ قرارگأه دؤرِدیأر. مادریتوفئنگ یولباشچئلئغئنداقئ قشون نیرأ بارسا یاقئپ- یئقئپ، آدملارئ اسیر آلئپ، مال- قارانئ تالایار. آننامحمد (قاراش) حانئنگ اوغلئ حان یومودئنگ حابار برمگینه گؤرأ مادریتوفئنگ یؤریشینده ۵ مونگ سانئ توخوم آط، ۱۰۰ مۆنگ قویون، ۴۸۰۰ دۆیه، ۲۵۰۰ سئغئر حالئ، کچه و کومیش تالانیار، حوت مادریتووفنگ اؤزی ۶۴ پوط کومیش بیلن آغرامئ ۸۲ پوطا بارئپ یتن حاللارئ تالایار. تیز واقتئنگ ایچینده حاربئ دادگاه نئنگ (دادگاه نظامی) قرارئ بیلن اونلارچا تورکمن آتئلئپ اؤلدۆریلی

۱۹۱۴- نجی یئلداقئ ۱- نجی دۆنیأ اورشونئنگ اودئ تـۆرکمن توپراغئنا- دا اؤز تأثیرینی یتیریأر، شول دؤوۆرده تـۆرکمنلر، اؤز ارکینلیک اوغرونداقئ گؤرشلرینی یئغجاملاشدئریارلار. بو بارادا ۱۹۱۶- نجی یئلدا اترک- گۆرگن تـۆرکمنلری نینگ آراسئندا بولان روس دیپلوماتئ گ.ف. چورکین، پطربورگه یوللان تلگرافئندا شئیله دییأر:

شو گۆنلر تـۆرکمنلر اؤز ایچرکی ایشلرینده بوتین لِی ارکین بولوپ، مرکزی حکومته سالغئت تؤلمأن گلیأرلر.” [1]

  اورشا عسگر یئغناماق ماقصادئ بیلن اورسیت پادشاسئ ۱۹۱۶- نجئ یئلئنگ ۲۵- نجی ژوئن آیئندا/، ۴ تیر ۱۲۹۵ پرمان چئقاریار. شوندا هر یـدی(۷) اؤیدن، ایکی آدم هم آط بریلملی ادیلیأر. تـۆرکمنلر بو پرمانا آچئق غارشئلئق گؤرکِزیپ غوزغالانگ توروزیارلار. غوزغالانگئ باسئپ یاتئرماق اۆچین آوگوست آیئ نئنگ ۱۵- ینده  و ۱۶- سیندا تـۆرکمنلر چکیشلره عسگر یئغناماغا گلن روسلارئ اوقا توتیارلار، چات بیلن چکیشلرینگ آراسئندا چکیلن تلگراف سیملرینی قوپاریارلار سونگرا توپارلایئن گۆرگنه طاراپ گؤچۆپ غایدیارلار. (مقصودلو ص. ۴۲۸)

[1] همت آتایف. جنبش رهایی بخش تورکمنهای ایران. انتشارات حزب توده ایران. بی جا. بی تا

ماقالانینگ دولی گؤرنوشی:

Madritow

برچسب ها

نمایش بیشتر

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن