تورکمنستان

تورکمنستان جمهوریتی نینگ 96 یاشی غوتلی بولسون!

باریپ 1924-نجی یئلینگ 27- نجی اکتیابرینده تورکمنینگ مردانا اوغوللاری غایغیسیز آتابایف بیلن ندیربای آیتاکوف تورکمنستان جمهورییتی نینگ دویبونینگ توتالاندیغینی ایلکینجی “بوتین اولکه قورایجی- اولین مجلس فراگیر موسسان” قورولتایئندا ایغلان اتدیلر.

دیکتاتور استالین ینگ ملی مسئله دیین پلانی اساسیندا بوتین جمهوریت لر شول ساندان تورکمنستان ساویت سایوزونا- حاص دوغروسی مسکوا اؤرکلندی. شوندان سونگ هر مسئله ده ملتچیلیک و آنتی سایوز(شوروی) آنگتایان جلادلار، تورکمنینگ گول یالی روشنفکرلرینی، سیاسی کادرلارینی حتی ساده ایشچی- دایخانلارینی غئریپ باشلادیلار. بو غئرغئنچیلیقلار 1940-نجی یئلا چنلی دینیغسیز دوام اتدی.

تورکمنستانینگ 2-نجی جهان اورشی دؤوریندان اوزالقی یئللاریندا بوسا-بوسلیق، پاغتا مونوکولتوری و آچلیق آغیر تراگه دیالارا سبأپ بولوپدی. مونگلارچه حوجالیق اؤی- اوجاقلارینی ترک ادیپ یاد اولکه لره سیغینماغا مجبور بولدولار. هنیز بو بلادان غوتولینماقا، هیتلرینگ شوروی یه هجومی و واطانی غوراماق آستیندا مونگلرچه تورکمن ییگیدی جبهه لرده وفات بولدی یا- دا ماییپ- موجریپ بولوپ گلدیلر. ایزی یانی آشغابات یر تیترمه سینده یئنه 150 مونگ چمه سی ایلات هلاک بولدی. بو بلا-بترلردن هنیز صاپلانیلماقا، پاغتا پلانی دییپ ایلات اکین میدانلارینا سورولدی. چاغا اؤلومی… آی غاراض ساناسانگ ثوغابی کأن… بولار آز یالی برژنف ینگ حأکمیتی یئللاریندا روشنفکرلرینگ- آنناسلطان ککیلوالارینگ- پایزی اوراز لارئنگ- دألی حانا دئقیلماغی و فیزیکی و روحی تایدان یوق ادیشلریه اوچرادیلماغی تورکمنستانیگ تاریخیندا اونودیلماق آجی صاحیپالاردی.

بولارا غارامازدان ساویت تورکمنستاندا علئم ده، مدنیت ده، تورکمن دیلی و ادبیاتی اوغروندا عالیملارئمیز آز ایشلمه دی. تورکمنستانینگ عئلئملار آکادمیاسندا علئمینگ دورلی گورنوشلری حاقدا عالیملار ایش آلیپ باریپدی. آقاجان بابایف یالی آکادمیک لر چؤل شناسلیق ده دونیأ مؤچبرینده آد- شؤهرات غازانیپدی. بولارینگ أهلیسی تورکمنینگ آدینا بیر جمهوریتی نینگ باردیغی سبأپ بولوپدی.

غاراشسیزلیق دییلیأن دؤورده 1991-نجی یئلدان بویانا، حأکمیت باشینا گچن نیازوف و بردی محمدوف تورکمنیستانینگ گچمیش تاریخینی یوق ساییپ، حاقیقاتلاری حالقدان گیزلمأگه سینانشدیلار. حتی نیازوف آیتاکوف، آتابایف آدینی تورکمنینگ آنگیندان سیلماق اوچین الدن گله نینی غایغیرمادی- اولارینگ هیکل لرینی یئقدیردی، آدی داقیلان کؤچه لردن آدلارینی سیلدیردی و…

اما حالق اؤز گرچک اوغوللاری نینگ آد و یادلارینی یوره کلرینده ابدی یاشاتدی و یاشادیپ گلیأر.

آرنه گلی

تورکمنی اؤرونیش مرکزینگ مدیری

برچسب ها

نمایش بیشتر

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن