ادبیاتچی دوستومیز عیدی وکیلی آرادان چئقدی!
تورکمِنصَحرامئزئنگ، تورکمن دیلی‌نینگ یازوو قاداسئ‌نئنگ اوسسادئ، دۇستومئز هِم دۇغانئمئز، مِرحوم شاهئر عیدی‌قربان (عایدئ آغا) وِکیلی‌نینگ حۇرماتلئ ایچِری ماشغالاسئا، تۆرکمن ادبییاتئ‌نئنگ حوسسارلارئنا هم-ده بۆتین تۆرکمِن ایلیمیز اۆچین، غئنانچ حاطئ.
ایران تۆرکمِن‌لری‌نینگ ادبییاتئنا عؤمرۆنی صارپ ادن، انه دیلینه صارپا غۇیان، تۆرکمِن اۆچین الینه غالام آلان، تۆرکمن دیلی‌نینگ یازوو قاداسئ‌نئنگ اوسسادئ بۇلوپ، اِنچِمه شأگیرت‌لری تربییه‌لأپ، ایل اۆچین یادئگأر غالدئران، ایل اۇغلی، شاهئر «عایدئ آغا وکیلی»نینگ 1399-نجی یئلئنگ 5-نجی تیر آیئندا/25 ژوئن 2020 دۆنیأدن اؤتمِگی بۆتین تۆرکمِن ایلیمیزی غئناندئردئ.
بو دۆشِن آغئر یاغدایئ، مِرحومئنگ غادئرلئ ایچِری ماشغالاسئنا، دۇغان_غارئنداش‌لارئنا، هم_ده بۆتین ایلیمیزه، ائلایتا_دا تۆرکمن ادبییاتچئ‌لارئنا تۆیس یۆرِکدِن غئنانچ بیلدیریأریس.
مِرحومئنگ یۇلئ اۆزنۆکسیز بۇلوپ، آدئ و یادئ المئداملئق یۆرِک‌لرده ناغئشلانئپ غالسئن. «ائزئ یاراسئن، یاتان یِری یاغتئ بۇلسون» «کۆممِدینگ میراث آدئنداقئ تۆرکمِن غۇشغئ و ادبییات اۇجاغئ»
انجمن شعر و ادب تورکمنی میراث گنبد کاووس
ع. وکیلی دن بیر قوشغی:
اوُن يئل‌لئق زأحمته دؤرأن دويغئ
٭ ٭ ٭
گؤزل صأحرانگ توُپراغئندا کؤک اوروپ
اؤيجوٌگميزي ،
اؤيلي اتديک، اؤي غوراپ.
پئتئرانگ ايللري بير يره يئغناپ
اوجاق غوردئق،
کوٌرِن توتدئق، توي غوراپ
يؤره‌ديک ،
يؤرتديک ،
دئنمادئق چاپدئق
ماغروپدان، ماشراغا ،
دورمادئق اؤتديک
ياغشئ نئنگ ـ يامانئنگ اوٌموٌندن اؤتوٌپ
جِيحونئنگ طانابئن،
خازارا چاتدئق.
اؤيلريميز اوبالاردان شأهره
يايراپ گيتدي يوٌره‌ک لردن يوٌره‌گه
يؤرجن ليکدن يؤرأپ ،
يؤرتديک اوُن سنه
گؤزل صحرانئنگ اورتاسئندا توُي توتدئق.
غوتلايارئس بوگون
اوجاق بايرامئن
بارها يئلئ بولسون سؤنمه‌سين اوُدئ
آلاولاپ توتاشسئن
يتسين ايللره
ارکينليگي يوٌره‌کلره پايلاسئن.
بو غوُشغئ‌مئنگ سطِرلري ارکيندي
قاپئياسئز شودورشونا غالقئندئ
دورشونا ائلخامدئ ،
دورشونا دويغئ
دويغئ لارئم،
تور آياغا غالق ايندي.
بو توُپراغا الده بارئنگ
غوُی ايندي.
عيدي وکيلي.
